Şəhriyar Məmmədyarov bu gün polşalı şahmatçı ilə üz-üzə gələcək

Bu gün Azərbaycan şahmatçısı Şəhriyar Məmmədyarov norveçli dünya çempionu Maqnus Karlsenin təşkil etdiyi "Champions Chess Tour" onlayn seriyasının üçüncü mərhələsində növbəti görüşünü keçirəcək.

"Report"un məlumatına görə, 37 yaşlı qrossmeyster "Oslo Esports Cup"ın dördüncü turunda polşalı Yan-Kşiştof Duda ilə üz-üzə gələcək.

Məmmədyarov ilk turda vietnamlı Le Kuanq Lyeyə qalib gəlib, ardınca hindistanlı Rameşbabu Praqnanandhaya və kanadalı Erik Hansenə uduzub.

Təcrübəli şahmatçı hazırda 3 xalla sonuncu - 8-ci pillədə qərarlaşıb. Ondan əvvəlki sıralarda yer alan niderlandlı Yorden van Forrest, Hansen və Kuanq Lye də eyni xalı toplayıb. Duda isə 5 xalla 3-cü yerdədir.

Qeyd edək ki, turnirin mükafat fondu 210 000 ABŞ dollarıdır.