Şahmat üzrə Azərbaycan çempionatlarının mükafat fondu açıqlanıb

Kişi və qadın şahmatçılar arasında keçiriləcək Azərbaycan çempionatlarının mükafat fondu müəyyənləşib.

"Report" xəbər verir ki, bu barədə Azərbaycan Şahmat Federasiyasının mətbuat xidməti məlumat yayıb.

Kişilərin yarışının mükafat fondu 60 min, qadınlarda isə 30 min manat təşkil edir.

Reqlamentə əsasən, kişilər arasında turnirin qalibi 20 min, qadınların yarışının çempionu 10 min manat qazanacaq.

Qeyd edək kİ, Azərbaycan çempionatının açılış mərasimi yanvarın 31-də keçiriləcək.