Şahmat Olimpiadasına ev sahibliyi edəcək ölkə bəlli olub

Bu il keçiriləcək şahmat olimpiadasına ev sahibliyi edəcək ölkə bəlli olub.

"Report" Beynəlxalq Şahmat Federasiyasının (FIDE) rəsmi saytına istinadən xəbər verir ki, yarış Hindistanda gerçəkləşəcək.

Tamilnad ştatının paytaxı Çennayda təşkil olunacaq olimpiadanın dəqiq tarixi açıqlanmayıb. Lakin yarışın iyulun sonu - sentyabrın əvvəlində olacağı bildirilib.

Qeyd edək ki, bu il şahmat olimpiadası Rusiyada keçirilməli idi. Lakin Ukraynaya hərbi müdaxilə səbəbindən yarışa ev sahibliyi hüququ Rusiyadan alınıb.