Rüstəm Orucov Antalya Qran-prisində gümüş medal qazanıb - YENİLƏNİB

Rüstəm Orucov Antalya Qran-prisində gümüş medal qazanıb - YENİLƏNİB Azərbaycan cüdoçusu Rüstəm Orucov Türkiyənin Antalya şəhərində keçirilən Qran-pridə gümüş medal qazanıb.
Fərdi
6 Aprel , 2019 19:27
Rüstəm Orucov Antalya Qran-prisində gümüş medal qazanıb - YENİLƏNİB

Azərbaycan cüdoçusu Rüstəm Orucov Türkiyənin Antalya şəhərində keçirilən Qran-pridə gümüş medal qazanıb. 

"Report"un məlumatına görə, 73 kq çəki dərəcəsində çıxış edən 28 yaşlı idmançı finalda son dünya çempionu cənubi koreyalı Çanqrim Ana qızıl xalla uduzub.


***16:37

Azərbaycan cüdoçusu Rüstəm Orucov Türkiyənin Antalya bölgəsində keçirilən Qran-pridə finala yüksəlib.

"Report"un məlumatına görə, 73 kq çəki dərəcəsində yer alan 28 yaşlı idmançı mübarizəyə 1/16 final mərhələsindən başlayıb. Orucov ardıcıl olaraq, cənubi koreyalı Hyunçeol Kanq, qambiyalı Faye Njie, ukraynalı Dmitro Kanivets və rusiyalı Leçi Ediyevi üstələyib. Həlledici qarşılaşmada onun rəqibi cənubi koreyalı Çanqrim An olacaq. An 2018-ci ildə Bakıda keçirilmiş dünya çempionatında qızıl medal qazanıb.

Qeyd edək ki, Qran-prinin ilk yarış günündə Gültac Məmmədəliyeva 52 kq çəki dərəcəsində bürünc medala sahib olub. 

Son xəbərlər

Orphus sistemi