Rusiyalı bədii gimnast həmyerlisinin rekordunu qırıb

Rusiyalı bədii gimnast Dina Averina Yaponiyanın Kitakyuşu şəhərindəki dünya çempionatında fərdi çoxnövçülükdə qızıl medal qazanıb.

"Report"un məlumatına görə, 23 yaşlı idmançı 4 hərəkətin cəmində 108,400 xal toplayaraq birinci yeri tutub.

Beləliklə, Averina 18 qat dünya çempionu olub və qızıl medalların sayına görə həmyerlisi Yevgeniya Kanayevanın (17) rekordunu qırıb.

Qeyd edək ki, Yaponiyadakı mundial oktyabrın 31-də başa çatacaq.