"Report"un əməkdaşları mükafatlandırılıb

Azərbaycan İdman Jurnalistləri Assosiasiyası (AİJA) 2023-cü ilin idman laureatlarını mükafatlandırıb.

"Report" xəbər verir ki, AİJA-nın ofisində gerçəkləşən tədbirdə idman jurnalistləri təltif olunublar.

Qurumun prezidenti Eldar İsmayılov hazırda Beynəlxalq İdman Mətbuatı Assosiasiyasının (AIPS) 100 illik yubileyinin keçirildiyini xatırladıb. O, Beynəlxalq İdman Jurnalistləri Günü münasibəti ilə həmkarları təbrik edib.

Qaliblər arasında “Report”un iki əməkdaşı var. Təbriz Quliyev ictimai-siyasi saytlar üzrə ilin idman jurnalisti, Ehtiram Cəbiyev isə ilin fotoreportyoru seçilib.