Bakı. 23 fevral. REPORT.AZ/ Rusiyanın kişilərdən ibarət hokkey yığması Cənubi Koreyanın Pxençxan şəhərində keçirilən XXIII Qış Olimpiya Oyunlarında finala vəsiqə qazanıb.
“Report”un məlumatına görə, Oleq Znarkovun rəhbərlik etdiyi kollektiv yarımfinalda Çexiyanı 3:0 hesabı ilə məğlub edib.
Qeyd edək ki, finalda Rusiya millisi bu gün Bakı vaxtı ilə 16:10-da start götürəcək Kanada - Almaniya görüşünün qalibi ilə qarşılaşacaq. Həlledici matç fevralın 25-də keçiriləcək və saat 08:10-da başlayacaq.