Paris-2024: Azərbaycan güləşçisinin bürünc medal uğrunda üz-üzə gələcəyi rəqib müəyyənləşib

Fransanın paytaxtı Parisdə təşkil olunan Yay Olimpiya Oyunlarında Azərbaycanın sərbəst güləşçisi Giorgi Meşvildişvilinin növbəti rəqibi müəyyənləşib.

"Report"un turnirə ezam olunmuş əməkdaşının məlumatına görə, 125 kq çəki dərəcəsində yer alan idmançı bürünc medal uğrunda görüşdə Polşa təmsilçisi Robert Baranla üz-üzə gələcək.

Bürünc medal uğrunda qarşılaşmalar bu gün, Bakı vaxtı ilə saat 20:15-də başlayacaq.

Qeyd edək ki, Paris-2024 avqustun 11-də başa çatacaq.