Nurlana Məmmədzadə: Gimnastlarımızın Dünya Kubokunda uğurlu nəticə qazanacağına ümid edirik

Təmsilçilərimizin yarışda uğurlu nəticə qazanacağına ümid edirik.

"Report"un məlumatına görə, bunu Azərbaycan Gimnastika Federasiyasının baş katibi Nurlana Məmmədzadə Bakıda keçirilən batut gimnastikası və tamblinq üzrə Dünya Kuboku barədə danışarkən deyib.

O, keçən il eyni formatda turnirin təşkil olunduğunu xatırladıb: "Həmin vaxt batut gimnastikası üzrə yarışda Selcan Mahsudova gümüş medala layiq görülmüşdü. Bir il ərzində onun təcrübəsi artıb. Ümid edirik ki, yenə bizi medalları ilə sevindirəcək".

Qeyd edək ki, Milli Gimnastika Arenasında təşkil olunan turnir fevralın 25-də başa çatacaq.