Yuxarı
    Bağlamaq

    MOK-un İcraiyyə Komitəsinə yeni üzvlər seçilib

    Qalan 15 nəfərlik heyətdə dəyişiklik baş verməyib

    Bakı. 1 dekabr. REPORT.AZ/ Milli Olimpiya Komitəsi (MOK) İcraiyyə Komitəsinin yeni tərkibi müəyyənləşib. "Report"un məlumatına görə, bu barədə MOK-un vitse-prezidenti Çingiz Hüseynzadə qurumun hesabat seçki Baş Məclisindən sonra keçirdiyi mətbuat konfransında bildirib.

    Onun sözlərinə görə, 17 nəfərlik komitədə yeni üzvlər olimpiya çempionu Nazim Hüseynovla Dövlət Bədən Tərbiyəsi və İdman Akademiyasının rektoru Fuad Hacıyev olacaq: "Qalan üzvlərin tərkibində dəyişiklik baş vermədi. Yəni, Azərbaycanın birinci xanımı Mehriban Əliyeva, millət vəkili Rauf Əliyev, gənclər və idman nazirinin müavini İsmayıl İsmayılov, stend atıcılığı üzrə olimpiya çempionu Zemfira Meftahətdinova, Azərbaycan Güləş Federasiyasının vitse-prezidenti Namiq Abdullayev, əməkdar bədən tərbiyəsi və idman ustası Rəfiqə Şabanova, Natiq Əliyev, Azərbaycan Cüdo Federasiyasının vitse-prezidenti Sadıq Sadıqov, Zərifə Salahova, Naxçıvan MR-in gənclər və idman naziri Azad Cabbarov daha 4 il müddətinə İK üzvü kimi fəaliyyət göstərəcəklər. Eyni zamanda dövlət başçısı İlham Əliyev yenidən MOK-un prezidenti, mən, Azad Rəhimov və Xəzər İsayev vitse-prezident, Ağacan Abiyev isə baş katib seçildilər".

    Qeyd edək ki, MOK-un yeni tərkibi 2020-ci ilədək fəaliyyətdə olacaq. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi