"Mingəçevir reqatası-2024” beynəlxalq turnirinin bağlanış mərasimi keçirilib

Avarçəkmə, kayak və kanoe üzrə "Mingəçevir reqatası-2024” beynəlxalq turnirinin bağlanış mərasimi keçirilib.

"Report"un Mingəçevirə ezam olunan əməkdaşının məlumatına görə, ilk olaraq yarışın sonuncu günündə medal qazanan idmançılar mükafatlandırılıblar.

Azərbaycan 24 medalla ən çox mükafat əldə edən komanda olub. Yığma üzvlərinə kayak-kanoe və akademik avarçəkmə üzrə xüsusi mükafat verilib.

Qeyd edək ki, Azərbaycan təmsilçiləri turniri 24 medalla başa vurublar. Yarışda 12 ölkədən 100-dək avarçəkən iştirak edib.