Mariya Stadnik Polşadakı yarışa qatılacaq

Mariya Stadnik Polşadakı yarışa qatılacaq Qadın güləşi üzrə Azərbaycan milli komandası Bolqarıstanda təlim-məşq toplanışını davam etdirir.
Fərdi
128
2 İyun , 2021 16:38
Mariya Stadnik Polşadakı yarışa qatılacaq
Mariya Stadnik

Qadın güləşi üzrə Azərbaycan milli komandası Bolqarıstanda təlim-məşq toplanışını davam etdirir.

Federasiyadan "Report"a verilən məlumata görə, yerli komandayla birgə hazırlıq prosesində baş məşqçi Aslan Ağayevin rəhbərliyi altında Mariya Stadnik, Türkan Nəsirova (hər ikisi 50 kq) və Elis Manolova (68 kq) iştirak edir.

Mayın 24-dən start verilən toplanış iyunun 8-dək davam edəcək. Bolqarıstanın dağlıq bölgəsi olan Belmekendə keçirilən məşqlərdə həm fiziki, həm də taktiki-texniki çalışmalara üstünlük verilir.

Təlim-məşq toplanışından sonra Stadnik və Manolovanın Polşanın paytaxtı Varşavada baş tutacaq reytinq xarakterli beynəlxalq turnirdə iştirakı nəzərdə tutulub.

Son xəbərlər

Orphus sistemi