Maqnus Karlsenin səhmlərinə sahib olduğu şirkət satılıb

Səhmlərinin 8,5%-i norveçli dünya çempionu Maqnus Karlsenə məxsus olan Play Magnus Group şahmat şirkəti satılıb.

"Report" NRK-a istinadən xəbər verir ki, Chess.com şahmat saytı onu 83 milyon avroya alıb.

Qeyd edək ki, Chess.com dünyada ən çox ziyarət edilən şahmat resursu sayılır. Play Magnus Group 2013-cü ildə eyni adlı şahmat proqramı ətrafında yaradılıb. Zaman keçdikcə şirkət populyarlıq qazanmağa başlayıb və diqqətini onlayn şahmata, oyunlara və elektron öyrənməyə yönəldib. Şirkət 2020-ci ildə fond birjasına çıxarılıb.