Litva səfiri: “Azərbaycanda idman növlərinin inkişafını görmək çox xoşdur”

“Azərbaycanda müxtəlif idman növlərinin necə inkişaf etdiyini görmək çox xoşdur".

Bunu "Report"a Litvanın Azərbaycandakı səfiri Eqidius Navikas deyib.

Onun sözlərinə görə, hər ölkədə ayrı-ayrı idman növləri inkişaf etdirilir. Səfir bildirib ki, Azərbaycan döyüş idman növləri üzrə nailiyyətləri ilə tanınır.

"Qolf dünyanın əksər ölkələrində populyar olmasa da, Azərbaycanda onun inkişafına diqqət yetirildiyini görmək çox xoşdur. Azərbaycan idmançılarının ölkəyə medallarla qayıtmasını görmək həmişə xoşdur".

Litva səfiri 5 mart - Bədən Tərbiyəsi və İdman Günü münasibətilə Azərbaycanı təbrik edib və Olimpiya Oyunlarında daha böyük uğurlar arzulayıb.