Karlsen və Karuana arasında dünya çempionluğu üzrə II partiya da heç-heçə yekunlaşıb

Bakı. 11 noyabr. REPORT.AZ/ Norveçli Maqnus Karlsen və ABŞ təmsilçisi Fabiano Karuana arasında dünya çempionluğu uğrunda İngiltərənin paytaxtı Londonda keçirilən ikinci partiya da heç-heçə ilə yekunlaşıb.

"Report" xəbər verir ki, 49-cu gedişdə tərəflər "sülh"ə razılaşıblar - 0,5:0,5. İlk partiyada da heç-heçə qeydə alındığından, hazırda ümumi hesab bərabərdir - 1:1.

Karlsen və Karuana ümumilikdə 12 partiya klassik şahmat oynayacaqlar. Növbəti qarşılaşma noyabrın 12-də olacaq.

Bundan əvvəl Dünya şahmat tacı uğrunda ilk görüş heç-heçə ilə yekunlaşıb.