IV İslam Həmrəyliyi Oyunlarının biletlərinin satışa çıxarılacağı tarix açıqlanıb

Bakı. 12 may. REPORT.AZ/ Bakıda keçiriləcək IV İslam Həmrəyliyi Oyunlarının biletləri 4 ay öncədən satışa çıxarılacaq. "Report"un məlumatına görə, bu barədə gənclər və idman naziri, Azərbaycan İslam Oyunları Əməliyyat Komitəsinin (AISGOC) baş icraçı direktoru Azad Rəhimov bildirib. 

O deyib ki, biletlər bütün idman qurğularında satılacaq: "Amma nə qədər biletin satışa çıxarılacağını deyə bilmərəm".

Qeyd edək ki, IV İslam Həmrəyliyi Oyunları gələn il mayın 12 - 22-də olacaq.