İrlandiya Beynəlxalq Boks Assosiasiyasında qalmağa qərar verib

İrlandiya Boks Federasiyası (IABA) rusiyalı Umar Kremlevin rəhbərlik etdiyi Beynəlxalq Boks Assosiasiyasının (IBA) tərkibində qalmağa qərar verib.

"Report"un qurumun saytına istinadən verdiyi məlumata görə, növbədənkənar iclasda nümayəndələr IBA-dan dərhal çıxmaqla bağlı yekdil qərar qəbul edə bilməyiblər.

Dəyişikliyi qəbul etmək üçün 75 faiz səs toplamaq lazım idi.

Bundan əvvəl İsveçrə Boks Federasiyası da IBA-dan çıxmaqdan imtina edib. Avqust ayında IBA-ya alternativ olan "World Boxing" təşkilatı 12 federasiyanın ayrılaraq ona birləşdiyini elan edib.