İnci Əzizova: "MDB Oyunlarındakı qızıl medal karyeramda mühüm yer tutur"

"Yarışa yaxşı hazırlaşmışdım. Qızıl medal qazanacağımı gözləyirdim".

Bu fikirləri "Report"a açıqlamasında Rusiyanın Kazan şəhərindəki I MDB Oyunlarının qalibi olan Azərbaycan karateçisi İnci Əzizova Bakıdakı qarşılanma zamanı deyib.

50 kq-da fəxri kürsünün ən yüksək pilləsinə qalxan idmançı qrup mərhələsini birinci pillədə başa vuraraq finala yüksəldiyini xatırladıb: "Finalda özbəkistanlı Nəsibəbanu Narbayevaya qalib gələrək qızıl medal əldə etdim. Bu qələbə karyeramda çox mühim yer tutur. Çünki bu yarış ilk dəfə keçirilirdi. Turnirdən əvvəl ancaq qızıl medal haqqında fikirləşirdim".