İki ağırlıqqaldıranımız Avropa çempionatında mübarizəyə başlayır

Bu gün Azərbaycanın daha iki ağırlıqqaldıranı Rusiyanın paytaxtı Moskvadakı Avropa çempionatında qüvvəsini sınayacaq.

"Report"un məlumatına görə, 102 kq çəki dərəcəsində mübarizə aparan Əliş Nəzərov və Dadaş Dadaşbəyli körpücük üzərinə çıxacaq.

Nəzərov B, Dadaşbəyli isə A qrupunda yarışacaq.

Qeyd edək ki, Avropa çempionatına aprelin 11-də yekun vurulacaq. Daha əvvəl Boyanka Kostova (59 kq) Avropa çempionatını iki qızıl və bir bürünc medalla başa vurub.