Bakı. 24 dekabr. REPORT.AZ/ Bu gün Gənclər və İdman Nazirliyi 2015-ci ildə fərqlənən idmançılara, məşqçilərə və komandalara mükafatlar təqdim edib.
"Report"un məlumatına görə, tədbirdə yola saldığımız ildə ölkəmizdə keçirilən beynəlxalq turnirlər, idmançılarımızın uğurları barədə videoçarx nümayiş olunub.
Mərasimdə çıxış edən gənclər və idman naziri Azad Rəhimov 2015-ci ilin Azərbaycan idmanı üçün uğurlu olduğunu söyləyib. Bakıda I Avropa Oyunlarının yüksək səviyyədə təşkil olunduğunu qeyd edən nazir, bu mötəbər idman yarışının standartlarının ölkəmizdə müəyyənləşdiyini bildirib.
Daha sonra ayrı-ayrı nominasiyalar üzrə fərdi mükafatlar sahiblərini tapıb:
İlin ən yaxşı federasiyası
Azərbaycan Gimnastika Federasiyası
İlin idman yarışlarının ən yaxşı təşkilatçısı
Azərbaycan Güləş Federasiyası
İlin ən yaxşı idman təşkilatı
"Qəbələ" İdman Klubu (atıcılıq)
İlin ən yaxşı idman qurğusu
Su İdman Sarayı, Milli Gimnastika Arenası, Bakı Olimpiya Stadionu
İlin ən yaxşı klub komandası
"Qarabağ" futbol klubu
İlin ən yaxşı komandası
Taekvondo, polo
İlin ən yaxşı hakimləri
Faiq Həsənov (şahmat), Rövşən Hüseynov (boks), Asif Şirəliyev (güləş), Vahid Nəzərov (ağırlıqqaldırma),Yevgeniya Jidkova (bədii gimnastika)
İlin ən fəal veteranı
Yaşar Məmmədov (qılıncoynatma)
İlin ən yaxşı idman verilişlərinin təşkilatçısı
İlin ən yaxşı informasiya agentliyi
"Report"
İlin ən yaxşı qəzet və saytlar üzrə idman jurnalisti
Zəki Feyzullayev (azerisport.com)
İlin ən yaxşı idman jurnalisti
Sənan Abdullayev ("Xəzər" TV)
İlin ən yaxşı idman məktəbi
Abşeron rayon UGİM
Tədbirdə I Avropa Oyunlarının qalibləri – boks üzrə dünya çempionu Elvin Məmişzadə, qadın güləşi üzrə dünya mükafatçısı Mariya Stadnik, yunan-Roma güləşi üzrə dünya birincisi Rəsul Çunayev, idman gimnastikası üzrə dünya çempionatının bürünc mükafatçısı Oleq Stepko, sərbəst güləş üzrə dünya çempionu Toğrul Əsgərov, taekvondo üzrə dünya çempionu Radik İsayev, karate üzrə dünya birincisi Rafael Ağayev, paralimpiyaçı cüdoçu, dünya çempionu İlham Zəkiyev, ağır atletika üzrə dünya çempionu, dünya rekordçusu Boyanka Kostova, “Bakı-2015”in bürünc mükafatçısı, sərbəst güləş üzrə dünya çempionu Hacı Əliyev mükafatlandırılıblar.