Hollandiya Qran-prisinin “Formula 1” təqviminə qayıdacağı tarix bəlli olub

Hollandiya Qran-prisinin “Formula 1” təqviminə qayıdacağı tarix bəlli olub.

“Report” formule1.nl saytına istinadən xəbər verir ki, “zanbaqlar ölkəsi” 2020-ci il mövsümündə yenidən dünyanın ən nüfuzlu avtomobil idmanı yarışına ev sahibliyi edəcək.

“Zandvort” trasında baş tutacaq yarış mayda keçiriləcək.

Qeyd edək ki, “Formula 1” daha əvvəl 1952 - 1985-ci illərdə Hollandiyada təşkil olunub. Yarış hazırda 21 mərhələdən ibarətdir. Təqvimdə 4-cü olan Azərbaycan Qran Prisi 26 - 28 aperldə keçiriləcək.