Yuxarı
    Bağlamaq

    Hindistanlı velosipedçi dünya turu çərçivəsində Azərbaycana gəlib - FOTO

    Portuqaliyadan səyahətə başlayan idmançı səfərini Hindistanda tamamlayacaq

    Bərdə. 17 aprel. REPORT.AZ/ Hindistan velosipedçisi Yoqeş Qubta dünya turu çərçivəsində Azərbaycana gəlib.

    "Report"un Qarabağ bürosu xəbər verir ki, hazırda yaşadığı Portuqaliyadan 8 ay öncə səyahətə başlayan 30 yaşlı idmançı artıq 7 min km. məsafə qət edib.

    Azərbaycandan sonra İran və digər ölkələrdən keçəcək velosipedçi səfərini 10 aydan sonra Hindistanda yekunlaşdıracaq.

    Səfər etdiyi ölkələrdə yerli xalqların mədəniyyət və həyat tərzi ilə yaxından tanış olan Yoqeş Qubta Azərbaycanda qonaqpərvərlik gördüyünü, insanların çox səmimi olduğunu bildirib. Bərdəyə gələn idmançı bir neçə gün orada qalaraq şəhərin tarixi abidələri ilə yaxından tanış olmaq niyyətində olduğunu bildirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi