"Formula 1" üzrə Macarıstan Qran-prisində sonuncu yürüş keçirilib.
"Report"un məlumatına görə, dördüncü yürüşdə ən yaxşı nəticəni "Mercedes"in britaniyalı pilotu Lüis Hemilton göstərib.
O, bununla da "Formula 1" üzrə Macarıstan Qran-prisinin qalibi olub.
Yarışda ikinci yerə Niderland təmsilçisi "Red Bul"un pilotu Maks Ferstappen (+8,702) çıxıb. Üçüncü yeri "Mercedes"dən fin Valtteri Bottas (+9,452) tutub.
Bununla da Macarıstan Qran-prisinə yekun vurulub.
Pilotların siyahısına 63 xalla L.Hamilton başçılıq edir. V.Bottas 58 xalla ikinci, M.Ferstappen isə 33 xalla üçüncü pillədə qərarlaşıblar.
Qeyd edək ki, "Formula 1" üzrə Macarıstan Qran-prisinə iyulun 17-də start verilmişdi.
Növbəti yarış avqustun 2-də Böyük Britaniyada təşkil ediləcək.