"Formula 1": "Mercedes" yeni bolidini təqdim etdi

"Formula 1" üzrə dünya çempionatında çıxış edən "Mercedes" komandasının 2021 mövsümü üçün yeni avtomobilinin görüntüləri yayımlanıb.

"Report"un məlumatına görə, bolidin fotoları yarışın rəsmi tvitter hesabında paylaşılıb.

Avtomobilə W12 adı verilib. "Mercedes" yeni mövsümdə də qara rəngli bolidlə mübarizə aparacaq. 2021 mövsümündə Almaniya komandasının heyətində Lüis Hemilton və Valtteri Bottas yer alacaq.

Qeyd edək ki, "Formula 1"də 2021 mövsümü 26 - 28 martda Bəhreyn Qran-prisi ilə start götürəcək. Azərbaycan Qran-prisi 4 - 6 iyunda gerçəkləşməlidir.

Join us LIVE from our home in Brackley, as we say hello to the 2021 Mercedes-AMG F1 W12 E Performance! #WeLivePerformance https://t.co/EnxgYjBhlT

— Mercedes-AMG PETRONAS F1 Team (@MercedesAMGF1) March 2, 2021