"Formula 1: Ferstappen lider olduğu yarışda uğursuz oldu

"Red Bull" pilotu Maks Ferstappen "Formula 1" üzrə Azərbaycan Qran-prisində qəza törədib.

"Report"un məlumatına görə, qoruyucu səddə çırpılan niderlandlı sürücünün bolidinin arxa təkəri partlayıb. O, lider olduğu yarışa davam edə bilməyib və nəticədə qırmızı bayraq qaldırılıb.

Bu səbəbdən Qran-pridə fasilə yaranıb.

Qeyd edək ki, daha əvvəl "Aston Martin"in pilotu Lans Stroll və "Alpine"dən Esteban Okon yarışa davam edə bilməyib.