"Formula 1": ABŞ Qran-prisinin qalibi müəyyənləşib

Ostin avtodromunda "Formula 1" üzrə ABŞ Qran-prisi keçirilib.

"Report"un məlumatına görə, qalib adını "Red Bull" pilotu Maks Ferstappen qazanıb. Ona kuboku əfsanəvi basketbolçu Şakil O Nil buynuzlu avtomobillə gətirib.

Roll up, roll up! @SHAQ arrives to the podium in an EPIC longhorn car to present the trophies #USGP #F1 pic.twitter.com/xuafygfYKp

— Formula 1 (@F1) October 24, 2021

"Mercedes" sürücüsü Lüis Hemilton ikinci, "Red Bull"un digər üzvü Serxio Peres üçüncü yeri tutub.

Bununla da Ferstappen 287,5 xalla ümumi sıralamada liderliyini möhkəmlədib. Hemilton 275,5 xalla ikinci, onun komanda yoldaşı Valtteri Bottas 185 xalla üçüncüdür. Konstruktorlar Kubokunda "Mercedes" 460,5 xalla liderdir. Sonrakı sıralarda 437,5 xalla "Red Bull" və 254 xalla "Maklaren" qərarlaşıb.

Növbəti Qran-pri 5 - 7 noyabrda Meksikada keçiriləcək.