FIDE reytinqi: Şəhriyar Məmmədyarov və Teymur Rəcəbov geriləyib

Azərbaycan təmsilçiləri Şəhriyar Məmmədyarov və Teymur Rəcəbov Beynəlxalq Şahmat Federasiyasının (FIDE) reytinqində bir pillə geriləyiblər.

"Report" xəbər verir ki, Ş.Məmmədyarov (2746) 14-cü, T. Rəcəbov (2692) 40-cı yerdə qərarlaşıb.

Son ölkə çempionatının qalibi Rauf Məmmədov (2657) 69-cu yerdə qalıb. Siyahıya norveçli Maqnus Karlsen (2837) başçılıq edir.

Qadınlardan Gövhər Beydullayeva (2394) 8 pillə geriləyərək 53-cü sırada yer alıb. Dörd mövqe itirən Günay Məmmədzadə (2390) 57-ci, 10 sıra geriləyən Ülviyyə Fətəliyeva (2374) 67-ci, 3 pillə irəliləyən Xanım Balacayevə (2358) 58-cidir. Gülnar Məmmədova (2352) "100-lüy"ə dönüb və hazırda 91-cidir.

Qadınlarda çinli Yifan Hou (2633) liderdir.