Bu gün FİDE prezidenti Bakıya gəlir

Bakı. 9 sentyabr. REPORT.AZ/ Bakıda keçiriləcək şahmat üzrə Dünya Kubokunun iştirakçıları və qonaqlar Bakıya gəlir. "Dünya Kuboku 2015"in mətbuat xidmətindən "Report"a verilən məlumata görə, bu gün FİDE prezidenti Kirsan İlyumjinov da Azərbaycana gələcək.

Bu gün saat 17:45-də "Fairmont" hotelində 45 ölkədən 128 şahmatçının iştirak etdiyi Dünya Kubokuna həsr olunan mətbuat konfransı keçiriləcək. Yarışın təntənəli açılış mərasimi sabah saat 19:00-da Beynəlxalq Muğam Mərkəzində olacaq.

Qeyd edək ki, ilk turun oyunları sentyabrın 11-də saat 15:00-da start götürəcək.