Dünya çempionatı: Azərbaycanın daha bir cüdoçusu bürünc medal qazanıb - YENİLƏNİB - 5

Azərbaycanın daha bir yeniyetmə cüdoçusu Süleyman Şükürov Xorvatiyada keçirilən dünya çempionatında bürünc medal qazanıb.

"Report"un Zaqrebə ezam olunmuş əməkdaşı xəbər verir ki, 73 kq çəki dərəcəsində çıxış edən idmançı üçüncü yer uğrunda görüşdə Serbiya təmsilçisi Boqdan Veliçkoviçə qalib gəlib.

Qeyd edək ki, Azərbaycan təmsilçilərindən daha əvvəl Nihad Məmişov (50 kq), Xədicə Qədəşova (52 kq) qızıl, Məhəmməd Məmişov (50 kq), Məhəmməd Musayev (60 kq), Əbil Yusubov (66 kq) gümüş, Mirxaliq İskəndərov (55 kq) isə bürünc medal əldə edib.

15:10

Azərbaycanın yeniyetmə cüdoçusu Süleyman Şükürov Xorvatiyada keçirilən dünya çempionatında bürünc medal uğrunda qarşılaşmaya vəsiqə qazanıb.

"Report"un Zaqrebə ezam olunmuş əməkdaşı xəbər verir ki, 73 kq çəki dərəcəsində yer alan idmançı təsəlliverici görüşdə litvalı Vigirdas Narkusa qalib gəlib.

14:42

Azərbaycanın yeniyetmə cüdoçusu Süleyman Şükürov Xorvatiyada keçirilən dünya çempionatında növbəti görüşünə çıxıb.

"Report"un Zaqrebə ezam olunmuş əməkdaşı xəbər verir ki, 73 kq çəki dərəcəsində yer alan idmançı 1/4 finalda İtaliya təmsilçisi Lusio Tavolettaya uduzub.

Bürünc medal qazanmaq şansını saxlayan Şükürov təsəlliverici görüşə qatılacaq. Onun rəqibi Litva cüdoçusu Vigirdas Narkus olacaq.

13:51

Azərbaycanın yeniyetmə cüdoçusu Süleyman Şükürov Xorvatiyada keçirilən dünya çempionatında növbəti qələbəsini qazanıb.

"Report"un Zaqrebə ezam olunmuş əməkdaşı xəbər verir ki, 73 kq çəki dərəcəsində yer alan idmançı 1/8 finalda Qırğızıstan təmsilçisi Nurməhəmməd Muratovu üstələyib.

Şükürov növbəti mərhələdə italiyalı Lusio Tavoletta ilə üz-üzə gələcək.

12:29

Azərbaycanın yeniyetmə cüdoçusu Süleyman Şükürov Xorvatiyada keçirilən dünya çempionatına qələbə ilə start verib.

"Report"un Zaqrebə ezam olunmuş əməkdaşı xəbər verir ki, 73 kq çəki dərəcəsində yer alan idmançı 1/16 finalda Tacikistan təmsilçisi Aminjon Abducalilzadəni məğlub edib.

11:28

Azərbaycanın yeniyetmə cüdoçusu Kamilla Toholiyeva Xorvatiyada keçirilən dünya çempionatında mübarizəyə başlayıb.

"Report"un Zaqrebə ezam olunmuş əməkdaşı xəbər verir ki, 63 kq çəki dərəcəsində çıxış edən idmançı 1/32 finalda albaniyalı Kasandra Kovacı ilə üz-üzə gəlib.

Toholiyeva rəqibinə məğlub olub.

Beləliklə, Azərbaycanın qız cüdoçuları turniri bir qızıl medalla başa vurublar. Yalnız 52 kq-da Xədicə Qədəşova fəxri kürsünün ən yüksək pilləsinə qalxıb.

Bu gün, həmçinin oğlanların mübarizəsində Süleyman Şükürov (73 kq) tatamiyə çıxacaq.