Dünya çempionatı: Azərbaycan yığması Bakıda gümüş medal qazanıb

Qadınlardan ibarət Azərbaycan yığması Bakıda keçirilən atıcılıq üzrə dünya çempionatında gümüş medal qazanıb.

“Report”un məlumatına görə, komanda 25 metr məsafəyə tapançadan standart atəşaçma yarışında ikinci yeri tutub.

Zeynəb Sultanova, Nigar Nəsirova və Nərminə Səmədovadan ibarət “üçlük” yalnız Çin yığmasından geri qalıb.

Hindistan millisi isə bürünc mükafata yiyələnib.

Qeyd edək ki, Bakıda keçirilən atıcılıq üzrə 53-cü dünya çempionatı 2018-ci ildən bəri dünyada bu yarış üzrə baş tutan ən kütləvi idman tədbiridir. Yarışda dünyanın 100-dən artıq ölkəsindən 2000-dək idmançı və nümayəndə iştirak edir.