Yuxarı
    Bağlamaq

    Azərbaycan cüdoçuları VI Beynəlxalq "Deti Azii" oyunlarında 4 medal qazanıblar

    Oyunların ilk günündə yeniyetmə cüdoçularımızdan Ağabəy Ağazadə qızıl medala layiq görülüb

    Bakı. 10 iyul. REPORT.AZ/Cüdoçularımız beynəlxalq yarışda 4 medal qazanıblar.

    Azərbaycan Cüdo Federasiyasından "Report"a verilən məlumata görə, Rusiyanın Yakutiya vilayətində yeniyetmələr arasında cüdo üzrə VI Beynəlxalq "Deti Azii" oyunları keçirilir.

    Yarışda məşqçi Nazim Umbayevin rəhbərliyi altında Azərbaycan cüdoçuları da iştirak edir.

    Beynəlxalq yarışda təmsilçilərimiz 4 medala layiq görülüblər.

    Oyunların ilk günündə yeniyetmə cüdoçularımızdan Ağabəy Ağazadə (55 kq) qızıl, Əli Sadıxov (46 kq) və Nazir Talıbov (50 kq) gümüş medal qazanıblar.

    Yarışın ikinci günü isə Vüsal Şamilov (73 kq) bürünc medala sahib olub.

    Qeyd edək ki, üç gün davam edəcək "Deti Azii" oyunlarına sabah yekun vurulacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi