Cüdo üzrə Bakı şəhər açıq çempionatına yekun vurulub

Bakı. 26 oktyabr. REPORT.AZ/ Sərhədçi İdman Olimpiya Kompleksində kişi və qadınlar arasında cüdo üzrə Bakı şəhər açıq çempionatına yekun vurulub.

“Report” xəbər verir ki, yarışın sonuncu günü Elmin Hüseynov (60 kq), Asim Qulamzadə (73 kq), Coşqun Abdullayev (90 kq), Hikmət Alışov (100 kq) və Hüseyn Məmmədov (+100) öz çəki dərəcələrində birinci yeri tutublar.

Qeyd edək ki, iki gün davam edən paytaxt çempionatında 23 klubdan 253 cüdoçu (221 kişi, 32 qadın) medallar uğrunda mübarizə aparıb.