Cənubi afrikalı atlet Useyn Boltun rekordunu yeniləyib

Cənubi afrikalı atlet Akani Simbine 10 mövsüm ardıcıl 100 metr məsafəni 10 saniyədən az vaxtda qət edərək yamaykalı Useyn Boltun rekordunu yeniləyib.

"Report" xəbər verir ki, bu barədə “Pulse Sports” məlumat yayıb.

31 yaşlı idmançı bunu Botsvanada keçirilən “Qızıl Qran Pri” turnirində reallaşdırıb. O, sözügedən məsafəni 9,90 saniyəyə qət etməyi bacarıb. Əvvəlki rekord 10 mövsüm ardıcıl 10 saniyədən az başa vuran yamaykalı Useyn Bolta məxsus olub.

Qeyd edək ki, Akani Simbine Fransada keçirilən Paris Olimpiadasının gümüş mükafatçısıdır.