Yuxarı
    Bağlamaq

    Boks üzrə keçmiş dünya çempionu vəfat edib

    O, keçirdiyi 67 döyüşdən 59-da qalib gəlib

    Bakı. 8 sentyabr. REPORT.AZ/ Peşəkar boksçular arasında yüngül çəkidə keçmiş dünya çempionu Bobbi Çakon vəfat edib. "Report"un məlumatına görə, WBC (Ümumdünya Boks Şurası) versiyası üzrə 1974-1975-ci illərdə qalib olmuş boksçu 65 yaşında dünyasını dəyişib.

    O, uzun müddət idi ki, boksçuların daha çox məruz qaldığı ensefalopatiyadan (beyinin travmatik xəstəlikləri, kəllənin mexaniki zədələnməsi nəticəsində meydana çıxır, sinir - psixi funksiyaların pozuntuları ilə müşayiət olunur) əziyyət çəkirdi.

    Qeyd edək ki, Bobbi Çakon peşəkar boksçu karyerası ərzində keçirdiyi 67 döyüşdən 59-da qalib gəlib. 1988-ci ildə o, boskdan ayrılıb. Bundan bir neçə il sonra tam yoxsullaşan Çakon küçələrdən şüşə qablar toplamaqla dolanıb. Bir müddət sonra ABŞ-ın Kaliforniya ştatının səhiyyə xidməti boksçunun vəziyyətindən xəbər tutaraq, ona qayğı göstərib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi