Yuxarı

Bakıda keçirilmiş Ümumdünya Şahmat Olimpiadasında dopinq aşkarlanmayıb

Bu barədə FİDE prezidenti məlumat verib

Bakı. 15 sentyabr. REPORT.AZ/ 42-ci Ümumdünya Şahmat Olimpiadası iştirakçılarından dopinq tapılmayıb. "Report"un TASS-a istinadən verdiyi məlumata görə, bu barədə Beynəlxalq Şahmat Federasiyasının (FİDE) prezidenti Kirsan İlyumjinov mətbuat konfransında bildirib.

Federasiya rəhbəri 1999-cu ildə Beynəlxalq Olimpiya Komitəsinin tərkibinə qatılandan bəri heç bir dopinq problemi ilə üzləşmədiklərini deyib: "Mütəmadi olaraq, idmançıları Ümumdünya Antidopinq Agentliyində yoxlamadan keçiririk. İdmançılar üçün istifadəsi qadağan olunmuş preparatların siyahısı var. Bakıdakı Olimpiadada da heç bir yoxlamanın nəticəsi müsbət çıxmayıb".

Qeyd edək ki, Ümumdünya Şahmat Olimpiadası 1 - 13 sentyabrda Bakıda keçirilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi