Yuxarı

Azərbaycanlı atlet Türkiyə yığmasına 2 qızıl medal qazandırıb

Ramil Quliyev sprinter məsafələrində komanda yoldaşlarını üstələyib

Buxarest, 27 iyun. REPORT.AZ/ Rumıniyanın Piteşti şəhərində böyüklər arasında atletika üzrə Balkan ölkələrinin çempionatı keçirilib. "Report"un Şərqi Avropa bürosunun məlumatına görə, sayca 75-ci çempionatda Türkiyə bayrağı altında çıxış edən azərbaycanlı atlet Ramil Quliyev 2 qızıl medal qazanıb.

26 yaşlı sprinter çempionatın ilk günündə 100 m məsafəyə yarışda 10.30 saniyəlik göstərici ilə finiş xəttini birinci keçib. O, komanda yoldaşı Emre Barnesi 0,02 saniyə üstələyib. Ertəsi gün Quliyev 200 m məsafəni 20.98 saniyəlik nəticə ilə qət edərək türkiyəli ən yaxın izləyicisini 0,18 saniyə geri qoyub.

Kişilər

100 m

1. Ramil Quliyev (Türkiyə) - 10.30 san.

2. Emre Barnes (Türkiyə) - 10.32

3. Denis Dimitrov (Bolqarıstan) - 10.47

200 m

1. Ramil Quliyev (Türkiyə) - 20.98 san.

2. İzzet Safer (Türkiyə) - 21.16

3. Panagiotis Andreadis (Yunanıstan) - 21.35

Qızıl medalçı 2400 avro, gümüş və bürünc medalçılar isə müvafiq olaraq, 2000 avro və 1600 avro qazanıb.

Qeyd edək ki, 16 ölkənin iştirak etdiyi çempionatda Türkiyə millisi 256,5 xalla 1-ci pilləyə sahib çıxıb. 2-ci və 3-cü yerləri isə Rumıniya (236 xal) ilə Yunanıstan (171,5 xal) komandaları tutub. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi