Bakı. 13 aprel. REPORT.AZ/ Gürcüstanın paytaxtı Tiflisdə keçirilən Avropa çempionatında bu gün Azərbaycanın daha bir ağırlıqqaldıranı "körpücük" üzərinə çıxacaq. "Report"un məlumatına görə, bu, Avropa çempionu Boyanka Kostovadır.
Qadın idmançı 58 kq çəki dərəcəsində A qrupunda 8 atletə qarşı mübarizə aparacaq. Kostova Polşa, İsveç, Rumıniya, Rusiya, İtaliya atletləri ilə yanaşı, Ermənistan təmsilçisi İzabella Yaylyana rəqib olub. Yarış Bakı vaxtı ilə saat 20:55-də başlayacaq.
Qeyd edək ki, daha öncə Azərbaycan ağırlıqqaldıranlarından Valentin Xristov (62 kq) Avropa çempionu olub, Elmar Əliyev (56 kq) isə 7-ci yerlə kifayətlənib.