Yuxarı
    Bağlamaq

    ​Azərbaycanın qadın güləşçisi reytinq siyahısında irəliləyib

    Yalnız Yuliya Ratkeviç siyahıda geriləyib

    Bakı. 9 iyul. REPORT.AZ/ Azərbaycanın qadın güləşçisi Nataliya Sinişin Dünya Güləş Birliyinin reytinq siyahısında irəliləyib. 

    "Report"un Azərbaycan Güləş Federasiyasının rəsmi saytına istinadən verdiyi məlumata görə, 55 kq çəkidə mübarizə aparan qadın pəhləvan 3-cü pilləyə sahib çıxıb.

    53 kq çəki dərəcəsində mübarizə aparan və bundan əvvəlki ayın reytinq siyahısında adı olmayan Anjela Doroqan "Bakı 2015" I Avropa Oyunlarında qazandığı qızıl medalın hesabına birbaşa olaraq reytinqin 9-cu pilləsində yer alıb. 48 kq-da mübarizə aparan Mariya Stadnikin mövqeyində ötən ayla müqayisədə dəyişiklik olmayıb. O, göstərdiyi nəticələrlə 2-ci pilləni qoruyub.

    Qadın güləşçilərdən yalnız Yuliya Ratkeviçin mövqeyində geriləmə qeydə alınıb. Dünya çempionatının gümüş mükafatçısı ötən ay 5-ci pillədə qərarlaşmışdısa, bu dəfə 9-cu pillə ilə kifayətlənməli olub.

    Qeyd edək ki, Azərbaycanın 8 qadın güləşçisinin adı Dünya Güləş Birliyinin reytinq siyahısına daxil edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi