Karyerasını bitirdiyini deyən olimpiya mükafatçısı Ukraynadan Bakıya gəlib

Azərbaycanın Ukrayna əsilli qadın cüdoçusu İrina Kindzerska Bakıya gəlib.

"Report"un məlumatına görə, 31 yaşlı idmançı Prezident İlham Əliyevin sərəncamı ilə təltif edilmiş idmançıların mükafatlandırılma mərasimində iştirak edib.

Kindzerska iki gündən sonra Ukraynaya dönəcək.

Qeyd edək ki, Tokio-2020 Yay Olimpiya Oyunlarında 78 kq-dan yuxarı çəki dərəcəsində bürünc medal qazanmış cüdoçu daha əvvəl karyerasını bitirdiyini açıqlayıb.