Avropa Oyunları: Azərbaycan qılıncoynadanları fərdi mübarizəni medalsız başa vurublar - YENİLƏNİB - 5

Azərbaycan qılıncoynadanları Polşada keçirilən III Avropa Oyunlarında fərdi mübarizəni medalsız başa vurublar.

"Report"un yarışa ezam olunmuş əməkdaşının məlumatına görə, son olaraq qadın sablyaçılardan Səbinə Kərimova 1/8 final mərhələsində macar Renata Katonaya uduzub.

18:02

Azərbaycanın qadın sablyaçıları Polşada keçirilən III Avropa Oyunlarında növbəti görüşlərinə çıxıblar.

"Report"un yarışa ezam olunmuş əməkdaşının məlumatına görə, Səbinə Kərimova ölkənin digər idmançısı Valeriya Bolşakovaya qalib gələrək 1/8 finala yüksəlib.

Anna Başta isə eyni raundda polşalı Malgorzata Kozaçuka yenilib. Kərimova növbəti raundda macar Renata Katona ilə qarşılaşacaq.

16:51

Azərbaycanın qadın qılıncoynadanı Valeriya Bolşakova Polşada keçirilən III Avropa Oyunlarında növbəti görüşünə çıxıb.

"Report"un yarışa ezam olunmuş əməkdaşının məlumatına görə, o, 1/32 final mərhələsində Almaniya təmsilçisi Julika Funke ilə üz-üzə gəlib.

Rəqibini məğlub edən Bolşakova 1/16 finala yüksəlib. O, növbəti raundda Azərbaycanın digər idmançısı Səbinə Kərimova ilə üz-üzə gələcək.

16:00

Polşada keçirilən 3-cü Avropa Oyunlarında qılıncoynatmanın sablya növü üzrə qadınların şəxsi yarışında mübarizəyə start verilib.

"Report"un yarışa ezam olunmuş əməkdaşının məlumatına görə, Azərbaycan təmsilçilərindən Anna Başta (5 qələbə), Səbinə Kərimova ( 5 qələbə) və Valeriya Bolşakova (3 qələbə) pley-offa yüksəlib.

Qrup mərhələsində 1 qələbəsi olan Palina Kaspiaroviç mübarizəni dayandırıb.

15:14

Azərbaycan qılıncoynadanı Ruslan Həsənov Polşada keçirilən 3-cü Avropa Oyunlarında növbəti görüşünə çıxıb.

"Report"un yarışa ezam olunmuş əməkdaşının məlumatına görə, şpaqa növündə çıxış edən idmançı 1/32 final mərhələsində İsveç təmsilçisi Hadrien Favreyə uduzub - 14:15.

Beləliklə, bu gün yarışa qoşulan üç qılıncoynadanın hər biri medal şansını itirib.

13:25

Azərbaycan qılıncoynadanı Kənan Əliyev Polşada keçirilən 3-cü Avropa Oyunlarında növbəti görüşünə çıxıb.

"Report"un yarışa ezam olunmuş əməkdaşının məlumatına görə, idmançı 1/64 final mərhələsində Estoniya təmsilçisi Ruslan Eskova 13:15 hesabı ilə uduzub.

12:54

Polşada keçirilən 3-cü Avropa Oyunlarında qılıncoynatmanın şpaqa növündə kişilərin şəxsi yarışında mübarizəyə start verilib.

"Report"un yarışa ezam olunmuş əməkdaşının məlumatına görə, Azərbaycan təmsilçilərindən Ruslan Həsənov və Kənan Əliyev qrup mərhələsini adlayaraq pley-offa yüksəlib.

Barat Quliyev isə mübarizəni erkən dayandırıb.

Qrupda 4 qələbəsi olan Ruslan Həsənov birbaşa ən güclü "64-lüy"ə vəsiqə qazanıb. Həsənov bu mərhələdə isveçrəli Hadrien Favre ilə qarşılaşacaq. Qrupu 2 qələbə ilə bitirən Kənan Əliyev isə 64-lüyə yüksəlmək üçün estoniyalı Ruslan Eskovla görüşəcək.