Bakı 24° C
https://static.report.az/photo/746f20d6-0168-4354-80e3-1624b0f507bd.jpg
Bakı. 19 aprel. REPORT.AZ/ Azərbaycanın mərhum qrossmeysteri Vüqar Həşimovun xatirəsinə həsr olunmuş "ShamkirChess 2018" superturnirində Azərbaycanın hər 3 şahmatçısı ilk turun görüşlərini heç-heçə ilə başa vurub.
"Report"un məlumatına görə, Şəhriyar Məmmədyarov və Rauf Məmmədovun ardından Teymur Rəcəbov da "sülh"ə razılaşıb. O, qara fiqurlarla bolqarıstanlı Veselin Topalovla görüşün 43-cü gedişində xalı yarı bölüb - 0,5:0,5.
Hazırda turun son qarşılaşması olan Dinq Liren (Çin) - Radoslav Voytaşek (Polşa) görüşü davam edir.
*** 18:28. ShamkirChess 2018: Şəhriyar Məmmədyarov və Rauf Məmmədov ilk görüşlərini heç-heçə ilə başa vurub - YENİLƏNİB - FOTO
Azərbaycanın mərhum qrossmeysteri Vüqar Həşimovun xatirəsinə həsr olunmuş "ShamkirChess 2018" superturnirində bu gün ilk turun görüşləri keçirilir.
"Report"un məlumatına görə, Azərbaycan şahmatçısı Rauf Məmmədov qara fiqurlarla çexiyalı David Navara ilə üz-üzə gəlib. Qarşılaşma 39-cu gedişdən sonra "sülh"lə yekunlaşıb - 0,5:0,5. Həmçinin Aniş Giri (Hollandiya) və Sergey Karyakin (Rusiya) arasındakı qarşılaşma da heç-heçə başa çatıb.
Hazırda Veselin Topalov (Bolqarıstan) - Teymur Rəcəbov (Azərbaycan) və Dinq Liren (Çin) - Radoslav Voytaşek (Polşa) görüşləri davam edir.
*** 16:57. Şəhriyar Məmmədyarov dünya çempionu ilə heç-heçə edib
Azərbaycanın mərhum qrossmeysteri Vüqar Həşimovun xatirəsinə həsr olunmuş "ShamkirChess 2018" superturnirində bu gün ilk turun görüşləri keçirilir.
"Report"un məlumatına görə, Azərbaycan şahmatçısı Şəhriyar Məmmədyarov ağ fiqurlarla dünya çempionu Maqnus Karlsenlə üz-üzə gəlib. Qarşılaşma 50-ci gedişdən sonra "sülh"lə yekunlaşıb - 0,5:0,5.
Hazırda Veselin Topalov (Bolqarıstan) - Teymur Rəcəbov (Azərbaycan), Aniş Giri (Hollandiya) - Sergey Karyakin (Rusiya), Dinq Liren (Çin) - Radoslav Voytaşek (Polşa), David Navara (Çexiya) - Rauf Məmmədov (Azərbaycan) görüşləri davam edir.
Qeyd edək ki, Şəhriyar Məmmədyarov ikinci turda polşalı Radoslav Voytaşeklə qarşılaşacaq.
