Yuxarı

Azərbaycanın 2 samboçusu dünya çempionu olub

Latviyada keçirilmiş nüfuzlu yarışda 6 medal qazanılıb

Bakı. 13 oktyabr. REPORT.AZ/ Azərbaycanın yeniyetmə və gənc samboçulardan ibarət yığma komandası Latviyanın paytaxtı Riqada keçirilmiş dünya çempionatında 2 qızıl, 2 gümüş, 2 bürünc medal qazanıb. "Report"un məlumatına görə, medallardan 4-ü yeniyetmələrin mübarizəsində əldə olunub.

56 kq çəki dərəcəsində yarışan Nəriman Əhmədov Rusiyanı təmsil edən milliyyətcə erməni Vladimir Mnatsakanyanı finalda məğlub edərək fəxri kürsünün ən yüksək pilləsinə qalxıb. Rəşad Dünyamalıyev (52 kq) gümüş, Əliş Yusifov (48 kq) və Aslan Mirzəyev (87 kq) bürünc medala yiyələnib.

Gənclərin yarışında isə İlkin Babazadə (60 kq) qızıl, Əmrah Bayramov (57 kq) gümüş medala sahib çıxıb.

Qeyd edək ki, Azərbaycan samboçuları dünya çempionatında Yaqub Abdullayevin rəhbərliyi altında döyüşüb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi