Azərbaycan Üzgüçülük Federasiyasına maliyyə yardımı ayrılıb

Avropa Üzgüçülük Liqası (LEN) Azərbaycan Üzgüçülük Federasiyasına maliyyə yardımı edib.

"Report"un məlumatına görə, yardım ümumilikdə 52 milli federasiyanı əhatə edib. Ödənilmiş məbləğ ümumilikdə 1,2 milyon avro olub.

LEN-in media meneceri Gergey Çurka TASS-a bildirib ki, vəsaitin böyük hissəsi pandemiya ilə əlaqədar maliyyə çətinliklərinə qarşı mübarizəyə, qalan kiçik hissə hazırda Rusiyanın Kazan şəhərində keçirilən Avropa çempionatı iştirakçılarının ezamiyyə xərclərinə sərf edilib.

Qeyd edək ki, çempionat noyabrın 7-dək davam edəcək. Yarışda Azərbaycan təmsil olunmur.