Yuxarı

​Azərbaycan şahmatçısı Rauf Məmmədov blits üzrə Avropa çempionu olub

O, 22 mümkün xaldan 18-ni toplaya bilib

Bakı. 19 dekabr. REPORT.AZ/ Ötən gün Belarusun paytaxtı Minskdə sürətli şahmat və blits üzrə Avropa çempionatı start götürüb.

"Report" xəbər verir ki, ilk yarış günündə 700-ə yaxın qrossmeyster şahmatın ən sürətli növü olan blits üzrə qitə birincisini müəyyən etməyə çalışıblar.

Sonda turnirdə qələbəni 22 mümkün xaldan 18-ni toplayan Azərbaycan şahmatçısı Rauf Məmmədov bayram edib. Yarışda ikinci və üçüncü yerləri Rusiya təmsilçiləri Boris Savçenko və Aleksandr Ryazantsev tutub.

Sabah turnir rapid üzrə yarışlarla davam edəcək. Sürətli şahmat üzrə Avropa çempionu bazar günü müəyyənləşəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi