Yuxarı
    Bağlamaq

    Azərbaycan şahmatçısı keçmiş dünya çempionuna qalib gələrək, turniri 5-ci yerdə başa vurub

    Şəhriyar Məmmədyarov xallarını 4,5-ə çatdırıb

    Bakı. 6 oktyabr. REPORT.AZ/ Rusiyanın paytaxtı Moskva şəhərində Mixail Talın xatirəsinə həsr olunmuş şahmat turnirinə yekun vurulub.

    "Report"un məlumatına görə, Azərbaycan şahmatçısı Şəhriyar Məmmədyarov sonuncu turda ağ fiqurlarla rusiyalı keçmiş dünya çempionu Vladimir Kramniklə qarşılaşıb.

    Görüş 42-ci gedişdə Kramnikin təslim olması ilə nəticələnib. Beləliklə, xallarını 4,5-ə çatdıran Məmmədyarov turniri 5-ci pillədə başa vurub. O, Kramnik, Petr Svidler (Rusiya) və çinli Li Çao ilə eyni miqdarda xal toplayıb. Yarışın qalibi adını 6 xalla rusiyalı Yan Nepomnyaşi qazanıb. Hollandiyalı Aniş Giri 5,5 xalla 2-ci yeri tutub. Hərəyə 5 xala malik Vişvanatan Anandla (Hindistan) Levon Aronyan (Ermənistan) 3-4-cü yerləri bölüşüblər. 

    Son 2 yeri isə 3,5 xalla rusiyalı Yevgeni Tomaşevski və 2 xalla israilli Boris Gelfand tutub. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi