Azərbaycan nümayəndə heyətinin növbəti hissəsi İslamiada üçün Türkiyəyə yola düşüb

Azərbaycanı Türkiyənin Konya şəhərində V İslam Həmrəyliyi Oyunlarında təmsil edəcək nümayəndə heyətinin növbəti hissəsi səfərə çıxıb.

"Report"un məlumatına görə, səfərə müxtəlif növlər üzrə idmançılar, məşqçilər, federasiya rəsmisi, eləcə də jurnalistllər və nazir Fərid Qayıbov başda olmaqla, Gənclər və İdman Nazirliyinin əməkdaşları çıxıblar.

Azərbaycan nümayəndə heyətinin ilk hissəsi avqustun 2-də Türkiyəyə çatmışdı.

Oyunların açılış mərasimi avqustun 9-da olacaq. Yarışlara isə avqustun 5-dən start verilib. Hələlik Azərbaycanın aktivində medal yoxdur.

Qeyd edək ki, İslamiada avqustun 18-dək davam edəcək.