Azərbaycan millisinin futzalçısı yığmadakı karyerasını başa vurub

Azərbaycan millisinin futzalçısı Namiq Məmmədkərimov yığmadakı karyerasını baş vurub.

"Report"un məlumatına görə, AFFA-nın baş katibi Elxan Məmmədov və Futzal Federasiyasının prezidenti Zaur Axundov dünya çempionatının əsas seçmə mərhələsinin III turunda Slovakiya ilə görüşdə oyunçuya forma hədiyyə ediblər.

Qeyd edək ki, hazırda Slovakiya - Azərbaycan matçında ilk hissə oynanılır və hesab açılmayıb. 2 turdan sonra hər iki kollektiv hərəyə 6 xalla qrup lideridir və elit-raunda vəsiqəni təmin ediblər. Bugünkü matç qrup liderinin müəyyənləşdirilməsi baxımından əhəmiyyətli olacaq.