Yuxarı
    Bağlamaq

    ​Azərbaycan kikboksçusu nokautla qalib gəlib

    Ehtiram Rzayev rumın rəqibinə aman verməyib

    Bakı. 1 aprel. REPORT.AZ/ Tatarıstanın paytaxtı Kazanda TNA qaydaları üzrə "Tatneft Kuboku-2015" turnirinin 1/8 final mərhələsinin 4-cü turunun döyüşləri keçirilib.

    "Report" xəbər verir ki, yarış günündə ümumilikdə üç çəki dərəcəsi üzrə altı döyüş baş tutub.

    Yarışda Azərbaycanı təmsil edən Ehtiram Rzayev 80 kq. çəki dərəcəsində mübarizə aparıb. İdmançımızın rəqibi rumıniyalı Çipriana Şiopu olub. Rəqibini nokauta salan həmyerlimiz yarışın 1/4 final mərhələsinə vəsiqə qazanıb.

    Eyni çəki dərəcəsində baş tutan digər qarşılaşmada britaniyalı Ceyms Beyts Vladimir İdraniyə (Slovakiya) qalib gəlib.

    24 idmançının vəsiqə qazandığı 1/4 final qarşılaşmaları 29 aprel və 29 may tarixlərində baş tutacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi