Azərbaycan karateçisi beşqat dünya çempionu olub

Azərbaycan karateçisi Musa Musazadə beşqat dünya çempionu olub.

“Report”un məlumatına görə, o, Yaponiyanın Matsuyama şəhərində keçirilən karatenin aşihara növü üzrə mundialın qızıl medalını qazanıb.

60 kq çəki dərəcəsində mübarizə aparan M.Musazadə bütün rəqiblərinə qalib gəlib.

14-15 yaşlı idmançıların yarışında Vüsal Abbasov və Əfsər Atakişiyev fəxri kürsünün ikinci pilləsinə qalxıblar. Fərman Rəhimov isə dünya çempionatını bürünc medalla başa vurub.