Azərbaycan gimnastı “Asiya uşaqları” Beynəlxalq İdman Oyunlarında finala yüksəlib

Azərbaycan gimnastı Şəms Ağahüseynova Rusiyanın Yakutsk şəhərində keçirilən “Asiya uşaqları” VIII Beynəlxalq İdman Oyunlarında finala vəsiqə qazanıb.

"Report" Azərbaycan Gimnastika Federasiyasının mətbuat xidmətinə istinadən xəbər verir ki, təmsilçimiz həlledici mərhələyə bədii gimnastika üzrə yarışda lent ilə yüksəlib.

Qeyd edək ki, iyunun 26-da startı verilən yarış iyulun 6-na qədər davam edəcək.